АПЛ. Йил футболчиси соврини учун номзодлар номи маълум бўлди
Англия профессионал футболчилар ассоциацияси йил футболчиси соврини учун номзод сифатида кўрсатилган 6 нафар чарм тўп усталарини эълон қилди.
Унга кўра, совринни қўлга киритиш учун “Манчестер Сити”дан уч нафар, “Ливерпуль”дан икки нафар ва “Челси”дан бир нафар футболчи номзод кўрсатилган. Булар: Серхио Агуэро (“Манчестер Сити”, Бернарду Силва (“Манчестер Сити”), Рахим Стерлинг (“Манчестер Сити”), Виржил ван Дейк (“Ливерпуль”), Садио Мане (“Ливерпуль”) ва Эден Азар (“Челси).
Маълумот учун, ушбу PFA соврини 1973/1974 мавсумида таъсис этилган. Ғолиблар асосан овоз бериш жараёни орқали аниқланади. Ўтган мавсумда ушбу совринни “Ливерпуль” ҳужумчиси Муҳаммад Салоҳ қўлга киритган эди.