"Ливерпуль" клуби ўзининг расмий сайтида Европа чемпионлар лигаси 1/4 финал "Порту" жамоасига қарши жавоб ўйини учун кенгайтирилган таркибни эълон қилди. Учрашув эртага 17 дан 18 апрелга ўтар кечаси Порту шаҳридаги "Драгау" стадионида Тошкент вақти билан 00:00 да старт олади. Илк ўйин "Ливерпуль" 2:0 ҳисобида зафар қучган.
Мерсисайдликларнинг ушбу учрашув учун қайдномасига ҳимоячи Деян Ловрен ва ярим ҳимоячи Алекс Окслейд-Чемберлен киритилмаган. Хорватиялик ҳимояси ўйинни саломатлиги туфайли ўтказиб юборса, англиялик футболчи қўшимча тикланиш машғулотларида иштирок этмоқда.
"Ливерпуль": Алисон, Миньоле, Келлехер, ван Дейк, Гомес, Морено, Робертсон, Матип, Александер-Арнольд, Фабиньо, Вейналдум, Милнер, Кейта, Хендерсон, Лаллана, Шакири, Фирмино, Мане, Салах, Старридж, Ориги.