Почеттино: Кейн ушбу мавсум майдонга тушиш имконияти кам. Атиги 5 ҳафта қолди

"Тоттенхэм" клуби бош мураббийи Маурисио Почеттино жамоа ҳужумчиси Харри Кейннинг ҳолати ҳақида гапириб ўтди. Футболчи "Манчестер Сити" жамоасига қарши ўйинда жароҳат олган эди.

"Кеча у кўрикдан ўтди. Ушбу ҳафта яна бир мутахассис кўригидан ҳам ўтиши керак. Кўрамиз, нима бўлар экан.

У жуда ҳам ёқимли йигит. Албатта Кейн хафа бўлди. Лекин у оптимист ва биз буни яхши биламиз ва имкон қадар тезроқ сафга қайтишини кутиб қоламиз.

Агар биз Европа чемпионлар лигаси финалига йўл олсак, унинг сафга қайтиши учун 5 ҳафта вақт бўлади ва у бизга финалда ёрдам беради. Кўрамиз. Лекин бунинг эҳтимоли кам, жуда ҳам қийин. Унинг вазиятини ўрганиб чиқиш лозим албатта. Мутахассис кўригидан кейин аниқ маълумот маълум бўлади", - дейди Почеттино.

Ўқилган: 693
Жароҳатлар Маурисио Почеттино Тоттенхэм Харри Кейн

Фойдаланувчилар фикрлари



Мазву бўйича