“Персеполис” клуби “Ал Аҳли”ни енгди ва иккинчи ўринга кўтарилиб олди. “Пахтакор” биринчи ўринда
Осиё Чемпионлар лигасининг 3-туридан ўрин олган “Персеполис” – “Ал Аҳли” учрашуви ўз ниҳоясига етди. БААнинг Дубай шаҳридаги “Ал Васл Стэдиум”да бўлиб ўтган баҳсда форсларнинг қўли баланд келди.
Учрашувнинг 19-дақиқасида Шожа Ҳалилзода номинал мезбонларни олдинга олиб чиққан бўлса, иккинчи бўлим дебютида Али Алипур ҳисобни 2:0 кўринишига олиб келди.
Шу тариқа, “Персеполис” ушбу гуруҳ босқичидаги илк ғалабасини қўлга киритиб, очколарини 4тага етказиб олган ҳолда иккинчи ўринга кўтарилиб олди. “Ал Аҳли” эса (3) сўнгги ўринга тушиб кетди. Ушбу гуруҳда вакилимиз “Пахтакор” клуби 5 очко билан етакчилик қилмоқда. “Ас Садд” (4) учинчи ўринда қолган.
ОЧЛ, 3-тур
“Персеполис” – “Ал Аҳли” 2:0 (1:0, 1:0)
Голлар: 1:0 – 19 Ҳалилзода, 2:0 – 48 Алипур.
Ўқилган: 2848