Келажак футболчисини “кўмишдан” нима фойда? Педри Ла Лигада фақатгина голлар эвазига Пучдан олдинда
Таъкидлашларича, Пуч Куманнинг “Барса”сида ўйнай олмайди, чунки у жуда ҳаяжонланади, жисмоний жиҳатдан заиф, ва яна бир қанча баҳоналар тайёр. Рики Пучнинг ўтган йилги 90 дақиқалик ўйинлари билан Педрини солиштирадиган бўлсак, Педри фақат голлар эвазига олдинда. “Жисмонан заиф” Пуч яккакурашларда 53,12% лик устунлик билан ғолиб бўлади. Педрида эса бу кўрсаткич 38,71% ни ташкил этади. Трансфер нархи арзонлиги сабабли иқтидорли футболчини майдонга туширмаслик қанчалик тўғри?
“Барселона” ушбу мавсумда расмий 11 та учрашув ўтказган бўлса, Рики Пуч 990 дақиқалик имкониятдан бор-йўғи 3 дақиқасида майдонга тушди. Педри эса 601 дақиқа каталонияликлар либосида ҳаракат қилди. Охирги муваффақиятсиз икки ўйинлар (“Алавес” билан дурранг, “Атлетико”га мағлубият)да “Барселона” ҳеч нарса қила олмади. Рики Пуч ўтган мавсум ўша жамоаларга қарши ёрқин ўйин намойиш этганди. Педрига кўпроқ имконият берилаётгани, Пучнинг йўлини тўсиш эмасми?
Иккала футболчининг ўзлари қатнашган мусобақаларини таққослайдиган бўлсак (Пуч ҳали Чемпионлар лигасида майдонга тушмади) Рики Ла Лигада 11 ўйинда 507 дақиқа ҳаракатланди, Педри эса 8 ўйинда 403 дақиқа.
