Биз учун қониқарсиз бошланган Қатар йўли, ўйлаймизки, ижобий якун билан тугайди. Лекин кечаги аламли мағлубият барчамизни кайфиятимизни пир қилди.

Нахотки, шу кичкинагина на давлати на футболи ривожланган мамлакатга мағлуб бўлсак, ўйиндан ва натижадан халигача ўзига кела олмаётганлар мухлислар талайгина. Ўйиндан кейин ўтказилган матбуот анжуманида Фаластин бош мураббийи Нуриддин Оулд Али кўз ёшларини тутиб тура олмай йиғлаб юборганлигини ўқидик, аслида бундай натижа учун Сиз ҳам йиғлашингиз керак ҳурматли Купер.

Ҳимояга мослашган тактикангиз вақти келиб, натижа беради деган эдингиз, қани ўша натижа. Сиз бир йилда олаётган маошингизга бизда улкан ишларни амалга ошириш мумкин. Бизга деса ундан ошиғини олмайсизми, фақат шунга яраша натижа қилинг. Лекин, ҳозир натижа бўлмаяпти.

Бўлди, бизга ҳадеб эскирган тактикангизни мақтаманг, миллатимиз курашишни, олдинга интилишни истайди.

Ҳужумкор ўйин ташкил қилиб, терма жамоамиз билан ғалаба қозонинг, энди бизни бошқаси қониқтирмайди.

ВАСИЕВ Хайрулло