• Барча учрашувлар
  • Кеча
  • Бугун
  • Эртага

Хабарлар

  • Ўзбекистоннинг 2016 йилдаги энг яхши 7та футболчиси

  • Рукн: Янгиликлар » ЎЗБЕК ФУТБОЛИ
  • Ўтган ҳафтада Олий Лиганинг энг яхши футболчиларини санаган эдик. Бу сафар ўз одатимизга биноан, «Ўзбекистоннинг 2016 йилдаги энг яхши футболчиси» номига муносиб футболчиларни сараладик.

    ЭЛДОР ШОМУРОДОВ
    Клуби: «Бунёдкор»
    Мавсумдаги ўйинлар сони: 50
    Голлари: 14

    21 ёшли Элдор 2016 йилда нақд 50 та учрашувда майдонга тушди. Йил давомида миллий терма жамоада асосий таркибда ўйнади. «Бунёдкор»нинг етакчисига айланди. Жамоа Чемпионлар Лигасига ўтиш ўйинлари орқали йўл олди. Ҳал қилувчи баҳсда айнан Элдорнинг икки голи жамоага «Ал Шабаб» устидан ғалаба келтирди. Ярим-ҳимоячи трансфер билан шуғулланувчи Россия компанияси билан шартнома имзолади. Руслар унинг Европада ўйнай олишига ишонмоқда. Шомуродов терма жамоадаги ўйинлари билан мухлисларнинг танқидларига сабаб бўлганига қарамай, у мураббийларнинг кўрсатмаларини аниқ бажарди. Юқоридаги омиллар Элдорни Ўзбекистоннинг жорий мавсумдаги энг яхши футболчилари қаторига қўшишимизга имкон беради.

    МАРАТ БИКМАЕВ
    Клуби: «Локомотив»
    Мавсумдаги ўйинлар сони: 46
    Голлари: 15

    Марат «Локомотив» билан Ўзбекистон чемпиони бўлди, мамлакат кубогини қўлга киритди. Клубининг ғалабаларига муносиб ҳисса қўшди, лекин Марат бу йил терма жамоада яхшироқ ўйнади. Сергеев майдонда ҳеч нарсани уддалолмай турган бир вақтда Марат жамоамизнинг асосий ҳужумчисига айланди. Унинг Хитойга урган голини эсланг. Бундай маҳорат билан узоқ бурчакни нишонга олиш ҳазилакам иш эмас, ҳаддан ташқари ёпиқ ўйин кўрсатаётган рақибга қарши. Ёки Кореядаги голи. Қайси ҳужумчимиз ўша вазиятда бундайин совуққонлик билан ҳаракат қила оларди? Марат кўп клубларда ўйнади, «Алания» сафида Европа Лигасида ҳам қатнашди, лекин айнан 2016 йил у учун фаолиятидаги энг яхшиси бўлди. Чунки ҳар қандай футболчи асосий терма сафида  бўлсагина яхши ўйнаяпман, дейиши мумкин.

    САРДОР РАШИДОВ
    Клуби: «Ал Жаиш»
    Мавсумдаги ўйинлар сони: 57
    Голлари: 23

    Сардор терма жамоада охирги вақтларда яхши ўйин кўрсата олмаётган бўлса-да, мавсум футболчимиз учун ёмон ўтгани йўқ. Қатарда чемпионат ноябрда бошланишини ҳисобга олсак, ўтган йил бошланган мавсумда Сардор 57 ўйинда майдонга тушди. Бу ўйинларда 23 марта гол урди. Терма жамоа сафида 5 марта. Натижалардан кўриниб турибдики, Сардор сермаҳсул ўйин кўрсатди. Лекин мухлислар ундан кўпроқ нарса кутишганди. Айниқса, терма жамоа сафида. У энг муҳим ўйинларда йўқолиб қолди. Керак вақтда голлар ура олмади. Натижада асосий таркибдан тушиб қолди. Лекин клубдаги ўйинлари, Чемпионлар Лигасининг ярим финалигача етиб борганини инобатга олмай бўлмайди. Ўтган йилда бўлгани каби Сардор бу йил ҳам энг яхшилардан бўлди.

    ТЕМУРХЎЖА АБДУХОЛИҚОВ
    Клуби: «Локомотив»
    Мавсумдаги ўйинлар сони: 46
    Голлар: 31

    Йилнинг энг яхши футболчисини аниқлашда асосан футболчининг терма жамоадаги ўйинларига эътибор қаратилади. Лекин мураббийнинг шахсий адовати сабаб термада ўйнамаётган футболчи мамлакатнинг бош жамоасида ўйнамаслиги учун айбдор эмас. Бу ўз манфаатларидан жамоа манфаатларини устун қўя олмайдиган мураббийнинг хатоси. Темурхўжа «Локомотив»нинг Ўзбекистон чемпиони бўлиши учун катта иш қилди. У жамоа тўпурари бўлди. Энг муҳим голларни урди. Кубок финалида ҳам ягона голга айнан у муаллифлик қилди. Чемпионлар Лигасида ҳам яхши ўйнади ва жамоаси билан чорак финалгача етиб борди. Ўзбекистоннинг энг кучли жамоаси сафида энг яхши бўлди. Шу сабаб у йилнинг энг яхши футболчилари қаторидан ўрин олишга муносиб.

    АЛЕКСАНДР ГЕЙНРИХ
    Клуби: «Ордабаси»
    Мавсумдаги ўйинлари сони: 35
    Голлари: 14

    Қосимов вақтида терма жамоадан тушиб қолган Саша, Бабаян жамоага келгач, яна бош жамоага қайтди ва ўйини очилиб кетди. Терма жамоамизнинг руҳий етакчиси ва устунига айланди. Бу руҳий кўтаринкилик Гейнрихнинг клубдаги ўйинларига ҳам таъсир қилмай қолмади. У «Ордабаси» етакчисига айланди ва Қозоғистон чемпионати тўпурарларидан бўлди. Терма жамоадаги ўйинлари эса таҳсинга сазовор. Сурия билан Тошкентдаги, Қатар билан меҳмондаги ўйинларни эсланг. Қозоғистонда 4 жамоа Еврокубоклар саралашида қатнашади. Биринчи учта ўрин соҳиблари ва кубок эгаси. «Ордабаси» чемпионатда 4-ўринни эгаллади, лекин омадли Гейнрихнинг жамоаси бахтига кубок ҳам мамлакат чемпионига насиб қилди ва 4-йўлланма айнан уларга насиб этди. Бунда Сашанинг ўрни катта бўлди.

    ВИТАЛИЙ ДЕНИСОВ
    Клуби: «Локомотив» (Москва)
    Мавсумдаги ўйинлари сони: 65
    Голлари: 0

    Терма жамоа сафида энг барқарор ўйин кўрсатадиган футболчи айнан Денисов. Рус журналистларининг наз-дида, Денисов Россия Премьер-Лигасидаги энг яхши чап қанот ҳимоячиси. У Россияда ҳам яхшигина обрўга эга бўлиб улгурди. Терма жамоа сафида доим асосий таркибда ўйнади ва нафақат қанотда, марказий ҳимояда шерикларига ёрдам берди. Ўтган йил Одил Аҳмедов Ўзбекистоннинг энг яхши футболчиси бўлганди, ундан олдинги йил эса бу унвон айнан Денисовга насиб қилган. Бу мавсумда ҳам Денисов ҳимоячи бўлишига қарамай, энг яхши футболчилардан бўлди.

    ОДИЛ АҲМЕДОВ
    Клуби: «Краснодар»
    Мавсумдаги ўйинлари сони: 65
    Голлари: 6

    Терма жамоа етакчиси ва сардори Одил Аҳмедов мавсумни жуда яхши ўтказди. Тўғриси, Миржалол Қосимовдан кейин ҳеч бир футболчи терма жамоа учун бунчалик муҳим фигурага айлана олмаган эди. Ҳаттоки икки марта Осиёда тенгсиз бўлган Сервер Жепаров ҳам. Одил «Краснодар»да ҳам жамоа етакчиларидан бўлди. Мухлислар уни энг яхши 3 футболчи қаторига киритишди. Тошкентдаги Эронга қарши ўйинда билдик, Одил биз учун қанчалик муҳим футболчи эканини. Одил ўйнамаган ўша ўйинда жамоанинг умуман ўйини очилмади. Марказ бўм-бўш бўлиб қолди. Бошқа ўйинларда ҳам Одил ҳақиқий сардорларга хос ҳаракат қилди ва бизнингча, 2016 йилнинг энг яхши футболчиси номига айнан Аҳмедов муносиб.

    Ўткир ЖАЛОЛХОНОВ, «Эрудит Спорт» газетаси.

  • Манба: www.erudit-sport.uz   

  • Ўқилган: 2051. Фикрлар: 0. Сана: 12.01.2017 12:03.

МАВЗУГА ОИД БОШҚА ХАБАРЛАР

Чемпионатлар

A - Гуруҳи

Жамоа Ў О
1 Локомотив 2 3
2 Ал-Таавон 1 3
3 Ал-Аҳли Дубай 2 3
4 Истиқлол 1 0

B - Гуруҳи

Жамоа Ў О
1 Лаҳвия 1 3
2 Истиқлол Хузистон 1 3
3 Ал-Фотиҳ 1 0
4 Ал-Жазира 1 0

C - Гуруҳи

Жамоа Ў О
1 Ал-Аҳли 1 3
2 Ал-Айн 1 1
3 Зобаҳан 1 1
4 Бунёдкор 1 0

D - Гуруҳи

Жамоа Ў О
1 Ар-Райян 1 3
2 Ал-Ҳилол 1 1
3 Персеполис 1 1
4 Ал-Ваҳда 1 0

E - Гуруҳи

Жамоа Ў О
1 Кашима Антлерс 1 3
2 Брисбен Роар 1 1
3 Муантонг Юнайтед 1 1
4 Улсан Хюндай 1 0

F - Гуруҳи

Жамоа Ў О
1 Урава Ред 1 3
2 Шанхай СИПЖ 1 3
3 ФК Сеул 1 0
4 Вестерн Сидней 1 0

G - Гуруҳи

Жамоа Ў О
1 Гуанжоу Эвергранд 1 3
2 Кавасаки 1 1
3 Сувон Блювингс 1 1
4 Истерн СК 1 0

H - Гуруҳи

Жамоа Ў О
1 Гамба Осака 1 3
2 ФК Жиангсу 1 3
3 Жежу Юнайтед 1 0
4 Аделаида Юнайтед 1 0

SARA FIKRLAR

22.02.2017 07:57
HURSHID--83

Бейл жарохатга мойил жуда кимматбахо футболчи.
Хозирги вактда Реалдан кетишни хам хохламайди.
МЮ янги футболчи олмокчи булса, биринчи новбатда кучлирок химоячи излаши лозим.

20.02.2017 08:17
STIVI-G

Барсани ўйинидаги бу сусайишни мотивацияни йўқлиги ва авлодлар алмашинувида деб биламан. Ҳозир Мессига харидор кўп, тенги чиқса текинга бер деган, Мессини сотиб пулига янги супер Месси топши керак. Икки йилдан кейин Мессини нархи 2 баробар тушади, агар Хитойлик девоналар бу нодир экспонатни жуда қимматга сотиб олмаса. Барсага эса янги қон қуйиш керак, жамоани тубдан янгилаш керак, Мессига суяниб қолиш синдромидан клубни даволаш керак. Майли Мессичилар Мессиси билан ёппасига Хитой клубига ўтиб мухлислик қилса ҳам, Лекин Барса ҳали кўплаб авлодлар учун кўплаб ғалабалар учун керак.

16.02.2017 12:30
BAVARPOOL

Умуман олганда бундай масҳарабозлик асосан испан клублари ўйинчиларида, айниқса Испания терма жамоаси ўйинчилари томонидан содир этиладиган. Вахоланки ҳам Барса ва ҳам Реалда 50 фоиз ўйинчилар Испания терма жамоаси ўйинчилари ва бир бири билан елкама елка туриб Жаҳон ва Европа чемпионатларини ютган ўйинчилар. Кеча Бавария Арсенал ўйинидан кейин бир холатга кўзим тушди. Арзимас кўринсада лекин бу дўстлик ҳар қандай ҳурматга лойиқ, ўйин тугагач Петр Чех билан Арьен Роббен бир бири билан қучоқлашиб дўстона нималар деб қўйишди бир бирига. Улар минг йил олдин бир бири билан бир жамоада, Челсида ўйнаган, Чехни командаси шармандаларча бой берганига қарамай Чех ўзида эски дўстига икки оғиз илиқ сўз топа олди. Ўрнак ол Рамос Чехдан ютқазган ва ютганда ўзини қандай тутишни


UFF.uz. "Football Media News" MChJ, 2016 yil