• Барча учрашувлар
  • Кеча
  • Бугун
  • Эртага

Хабарлар

  • Жамшид Саидов: «Бухоро»нинг асосий мақсади ОЧЛда иштирок этиш

  • Рукн: Янгиликлар » ОЛИЙ ЛИГА
  • Хабарингиз бор, айни пайтда “Бухоро” клуби Тошкентда кишки йиғинни олиб бормоқда. Жамоа йиғини, ўзгаришлар ва етакчилар билан боғлиқ масалалар борасида клуб бош мураббийи Жамшид Саидов SPORTS.uz сайти учун интервью берди.

    Жамшид ака “Бухоро”нинг тайёргарлик жараёни ҳақида маълумот бериб ўтсангиз?

    - “Бухоро” Тошкентдаги йиғинни январдан бошлади. Эрталаб “Обод” стадионида машғулотлар ўтказсак, кечки пайт “НБУ-Осиё” ўйингоҳида шуғулланамиз.

    Дастлабки ўртоқлик ўйинимиз “Бунёдкор” ўринбосарлар жамоасига қарши ўтказдик. Жамоа таркиби ҳали тўла эмас. Бугунги ўйинда асосан ёшлар майдонга тушди. Ҳозир уларга имконият бермоқдамиз. Етакчилар эса секин-аста клубга келиб қўшилишмоқда.

    “Бунёдкор” билан ўйин бизнинг дастлабки ўртоқлик учрашувимиз эди. Энди “Нефтчи” ва “Обод” билан ҳам назорат баҳслари ўтказамиз. Шундан сўнг бу босқичдаги йиғинимиз якунланади. Сўнгра 3 кунга футболчиларга жавоб берамиз. Кейин эса яна Тошкентда йиғиламиз.

    Ўтган йилги ўйинлари орқали “Бухоро” кўпчиликда яхши таассурот қолдирди. Шундай экан янги мавсумда бу жамоанинг мақсади борасида барча бирдек қизиқмоқда. Шу ҳақда тўхталиб ўтсангиз?

    - Айни пайтда аниқ шу бизнинг мақсадимиз деб айта олмайман. Лекин биз камида ўтган йилги натижани такрорлашга ҳаракат қиламиз. Ҳозирда бизда раҳбариятда ўзгаришлар бўлди. Шунинг учун ҳали аниқ бир мақсад борасида маълум қилинмади. Лекин биз ҳаммаси яхши бўлади деб умид қиламиз.

    “Бухоро” клуби сардори ҳисобланган Шавкат Саломов Малайзиянинг “Т-Тим” жамоаси йиғинида иштирок этди. Унинг келажаги борасида мухлислар қизиқишмоқда. Айтингчи, Саломовни янги мавсумда ҳам “Бухоро” сафида кўрамизми?

    - Буни вақт кўрсатади. Олдиндан бир нарса дейиш қийин. Кеча Азиз Ибрагимов Чехиядан келди. Бугун у жамоа билан бирга. Ўртоқлик ўйинида ҳам иштирок этди. Шавкат Саломов ҳам кеча Малайзиядан қайтди. У билан гаплашиб олишимиз керак. Биз нафақат Саломовни балки, клубнинг барча етакчиларини олиб қолишга ҳаракат қиламиз. Бизнинг асосий вазифамиз ўтган йилги жамоа ўзагини сақлаб қолиш.

    Янги мавсум олдидан “Бухоро” ўз сафига легионер ҳам қўшиб олиши мумкинми?

    - Албатта, 2016 йил “Бухоро” футболи савиясини кўтардик. Шунинг учун янги мавсумда ҳам янада яхши натижалар кўрсатишга интиламиз. Биздан мухлислар янада кўпроғини кутишмоқда. Албатта, биз уларга муносиб жавоб беришни истаймиз. Қолаверса, ОЧЛга жамоани олиб чиқишни хоҳлаймиз. Бу барчанинг орзуси.

    Биз ўтган мавсумнинг биринчи даврасида легионерларсиз ҳаракат қилдик. Иккинчи мавсумда эса Вадим Чемиртанни қўшиб олгандик. Лекин у яқинда “Бунёдкор”га ўтиб кетди. Биз шундай футболчи топишимиз учун вақт керак. Легионер масаласида шошиш керак эмас. Биз чет-эллик футболчини чақиришдан олдин унинг натижаларини яхшилаб кўриб чиқамиз. Чемиртан ҳам ҳудди шу тарзда бизнинг клубга келиб қўшилганди. Аммо ҳозирча легионер масаласи бизнинг кун тартибимиздан ўрин олмаган.

    Агар “Бухоро” легионерларга эҳтиёж сезса, бу қайси чизиқ футболчиси бўлиши мумкин?

    - Ҳозир жамоа тўлиқ ҳолда йиғилса кейин қандайдир тўхтамга келишимиз мумкин. Тўғри, барча чизиқларда муаммолар бор. Ҳимоя, ярим ҳимоя ва ҳужумда ҳам. Биз янги мавсум учун рақобатбардош жамоа шакллантиришимиз керак. Шунинг учун ҳар бир позицияга кучли футболчилар керак.

    Жамшид ака, биз учун вақт ажратганингиз учун раҳмат. “Бухоро” клубига янги мавсумда ҳам омад тилаб қоламиз.

    - Раҳмат.

    Бекзод ИСАЕВ

  • Манба: www.sports.uz   

  • Ўқилган: 1323. Фикрлар: 0. Сана: 12.01.2017 10:55.

МАВЗУГА ОИД БОШҚА ХАБАРЛАР

Чемпионатлар

SARA FIKRLAR

25.05.2017 10:28
OQSOQOL1

Рахмат Нодир Мирҳодиев. Тарихни эслатдингиз. Ўша вақтга, ёшлигимга қайтиб қолгандек бўлдим. Хамма воқиялар худди автор айтгандек эди. Биз МТЖмиз мундиалга чиқишига 100 % ишонардик. Афсус ишончимиз хар ўйинда пасайб борар эди. Корийслар билан бўлган ўйинни хам эслайман. Ўйин охирида Ўзбек ишқибозлари Корийсларни тик туриб олқишлаган эди. Корийс ишқибозлари ўйиндан бизнинг нимадир устиларига отишимиздан қўрқиб устиларига ёпинғичини ёпишиб ўтириўган эди, лекин биз уларга хам қарсак чалганмиз.

25.05.2017 09:49
MAN4ESTER

Аввалом бор ҳамма МЮ мухлисларини кутилган ғалаба,чемпионлик кубоги энг асосийси МЮнинг ЕЧЛ қатнашиши билан табриклайман. Кечаги ўйинда хулоса шуки катта тажриба ғалаба қозонди, омад кучлиларга кулиб боқади шиори яъна уз исботини топди, негаки омад келмаганида ўйинда П.Погбанинг унчали кучли зарбаси рекошет бўлиб Аякс дарвозабонининг устидан утиб кетмасди. П.Погба ва Мхитарян ажойиб ўйин кўрсатди,қандай ўйнаш керак булса шуни ортиғи билан бажарди. Моур ҳақиқий сеҳргарлик кўрсатиб, энг асосийси натижага эришди.Келаси мавсум ЕЧЛ қатнашиши МЮ катта фойда бу асосийси ёзги трансферларда асосий мақсадлари бўлган Г.Бейл ва А.Гризманн энди МЮга йўқ дея олмаса керак, негаки МЮ аста секинлик билан ўз даражасига қайтмоқда.

23.05.2017 14:32
MAN4ESTER

Эртага жиддатли баҳс бўлиши аниқ, кўрамиз МЮ ва Аякс ўйинида тажриба ғалаба қозонадими ёки ёшлик шижоати. Эртанги ўйинда Манчестер Юнайтедта устулик бўлади ном, тажриба,нуфуз, савия жиҳатдан ЕЛ ютишига,Ж.Моурино эртага жанговор таркибни тушириши аниқ негаки ўртада ЕЧЛ қатнашиш имконияти қўлдан чиқармайди, аслида Аяксдан кўра МЮнинг ғалаба қозонишини келаси мавсумда ЕЧЛ да интригани яънада кучайтиб, мусабоақанинг нуфузини яънада ошириб гегемон клублар тўқнашуви қўпроқ бўлади.


UFF.uz. "Football Media News" MChJ, 2016 yil
Сайт материалларидан тўлиқ ёки қисман фойдаланилганда веб-сайт манзили кўрсатилиши шарт!
Барча ҳуқуқлар амалдаги қонунчиликка биноан ҳимояланган.
Дизайн: www.uff.uz
Расмий хабарларда ва блогларда кетган маълумот - мақолаларга муаллифлар ва блоггерларнинг ўзлари масъулдирлар.
Яндекс.Директ тизими осон бўлиши учун фойдаланувчи компьютеридаги қизиқиш ва изланишларга оид "линк"ларни кўрсатади.
Реклама қилинаётган маҳсулотлар ва хизматлар турлари лицензия ва сертификатларга эга.