• Барча учрашувлар
  • Кеча
  • Бугун
  • Эртага

Хабарлар

  • Жамшид Саидов: «Бухоро»дан ҳеч ким норози бўлиб кетмайди

  • Рукн: Янгиликлар » ОЛИЙ ЛИГА
  • Охирги пайтларда “Бухоро” клуби атрофида ҳам турли гап-сўзлар пайдо бўлмоқда. Дарҳақиқат, айрим етакчи ўйинчилар клубни тарк этишмоқда.

    Бунга сабаб сифатида қарздорлик анчагина эканлиги айтилмоқда. Бир томондан қараганда, ўтган йили 4-ўринни эгаллаган жамоада бу каби қарздорликлар тўпланиб қолганлиги таажжубланарли. Бунинг устига бухороликлар ҳали жиддий трансферни амалга оширишгани ҳам йўқ. Асосий таркиб ўйинчилари эса бошқа клубларга кетишмоқда. Бундай вазиятда эса жамоа бош мураббийи Жамшид Саидовга берадиган саволларимиз йиғилиб қолганди. У бизга қишки тайёргарлик йиғини ҳақида маълумот бергач, бир қатор саволларга жавоб олдик.

    -   4 январдан Тошкентда йиғин бошладик. Кунига икки маҳалдан шуғулланяпмиз. Эрталаб “Обод” стадионда, кечки пайт эса “NBU-Осиё” майдонидан фойдаланяпмиз. Режа бўйича ўртоқлик ўйинларини ўтказамиз. “Нефтчи”, “Обод” ва “Навбаҳор” жамоалари билан майдонга тушамиз. Тошкентда 20 январга қадар шуғулланамиз. Ундан сўнг йиғинни қаерда давом эттиришимизни вақт кўрсатади. Балки яна Тошкентда қайтармиз.

    -   Жамоа олдига ҳам аниқ вазифа қўйилдими?

    -   Ўтган йили 4-ўринни қўлга киритдик. Мақсадимиз эса ўша натижани такрорлаш. Имкони қадар юқорироққа интилишга ҳаракат қиламиз.

    -   Охирги пайтларда “Бухоро” таркиби билан боғлиқ янгиликлар кўп тарқалмоқда. Бош мураббий сифатида бу вазиятга ҳам ойдинлик киритиб ўтсангиз яхши бўларди.

    -   У кетяпти ёки бу келяпти, деган миш-мишлар кўп чиқяпти. Мухлислар бу хабарларни ўқиб хар ҳил хаёлларга боришяпти. Бироқ бу каби миш-мишларга ишонмасликларини истардим. Биз албатта ўтган йилги таркибни сақлаб қолмоқчимиз. Лекин йўқотишлар ҳам бўлди. Шавкат Муллажонов “Олмалиқ”қа ўтди. Дарвозабон Мухиддин Худоёровга жавоб бердик. Вадим Чемиртан эса “Бунёдкор”га кетди.

    -   Мурзоев ҳам...

    -   Эх, Мурзоев! Уни интервьюсини ўқидим, ўйлайманки, нотўғри бўлган.

    -   Артём Филипосян масаласичи?

    -   Унинг ҳам гапларини ўқидим. Биздан норози экан. Албатта Филипосян ҳам “Бухоро”ни тарк этади.

    -   Булардан бошқа клубни тарк этганлар йўқми?

    -   Ҳозирча йўқ.

    -   Шавкат Саломов ҳам клубни тарк этди, шекилли...

    -   Ҳали унинг масаласи аниқ эмас. Биласиз, У Малайзияда. Агар жамоаси билан келиша олмаса “Бухоро”га қайтиши ҳам мумкин. Биз Саломов билан доим алоқада бўлиб турибмиз. Ҳали шартнома тузгани йўқ.

    -   Клубни тарк этганларнинг ўрнини муносиб футболчилар билан тўлдириш масаласида қандай иш олиб бориляпти?

    -   Албатта, яхши савиядаги ўйинчиларни қўлга киритишга ҳаракат қиламиз. Январь ойи энди бошланди. Ҳали февраль турибди. Барчасини вақт кўрсатади.

    -   Жамоангизда айни пайтда янги ўйинчилардан кимлар бор?

    -   Ҳали ҳеч ким қўшилмади. Селекция ишларини бироз кечроқ бошладик. Барибир янги футболчилар келишади.

    -   Азиз Ибрагимов келадими?

    -   У эрта-индин келади. Ибрагимов Чехияга кетганди. Бунинг учун биздан 10 кунга жавоб сўраган.

    -   Жасур Ҳасанов Германияга оёғини операция қилдириш учун кетганди...

    -   Жасур уйда. Операциядан кейин у бироз ётиши керак. Қачон сафга қайтишини вақт кўрсатади.

    -   Шунингдек, клубнинг футболчилардан қарздорлиги борлиги ҳақида эшитяпмиз. Ҳаттоки, 10 та ўйиндаги мукофот пуллари берилмаган экан...

    -   Менга қулоқ солинг: ҳозирги вазиятда барча клубларда молиявий муаммолар бор. Биз албатта ўтган йилги таркибдаги ўйинчиларни ҳисоб-китоб қиламиз. “Бухоро” клубида ўйнаган ҳеч бир футболчи ҳали шу кунга қадар норози бўлиб кетмаган. Барибир ҳамма қарздорликни вақти соати билан ҳал қиламиз. “Локомотив”, “Бунёдкор” каби клублардан ташқари қолган барча жамоаларда молиявий қийинчиликлар бор. Лекин биз албатта қарздорликни тўлаймиз. Бирортаси жамоамиздан норози бўлиб кетмайди.

    -   Бошқа легионер оласизларми?

    -   Кўрамиз. Легионер олиш учун вариантларимиз бор. Энди янги Чемиртанни топишимиз керак (кулади). Аммо легионер танлашда хато қилмаслигимиз керак.

    -   Жароҳат олиб операция столига ётган Мурзоев ва Филипосян бундай пайтда клубдан ёрдам бўлмаганлиги ҳақида айтишди.

    -   Биласизми, улар “Бухоро” клубидан, Бухоро халқидан рози бўлишлари керак. Лекин уларнинг пулларини албатта тўлаймиз. Аммо мухлислар кимнинг қанча хизмати текканлигини биладилар. Бу футболчилар биздан хафа бўлмасликларини истардим. Барибир улар ўз пулларини олишади. Ҳеч кимни алдаб кетмаймиз.

  • Манба: www.pfcbuxoro.com   

  • Ўқилган: 771. Фикрлар: 0. Сана: 11.01.2017 18:13.

МАВЗУГА ОИД БОШҚА ХАБАРЛАР

Чемпионатлар

SARA FIKRLAR

25.05.2017 10:28
OQSOQOL1

Рахмат Нодир Мирҳодиев. Тарихни эслатдингиз. Ўша вақтга, ёшлигимга қайтиб қолгандек бўлдим. Хамма воқиялар худди автор айтгандек эди. Биз МТЖмиз мундиалга чиқишига 100 % ишонардик. Афсус ишончимиз хар ўйинда пасайб борар эди. Корийслар билан бўлган ўйинни хам эслайман. Ўйин охирида Ўзбек ишқибозлари Корийсларни тик туриб олқишлаган эди. Корийс ишқибозлари ўйиндан бизнинг нимадир устиларига отишимиздан қўрқиб устиларига ёпинғичини ёпишиб ўтириўган эди, лекин биз уларга хам қарсак чалганмиз.

25.05.2017 09:49
MAN4ESTER

Аввалом бор ҳамма МЮ мухлисларини кутилган ғалаба,чемпионлик кубоги энг асосийси МЮнинг ЕЧЛ қатнашиши билан табриклайман. Кечаги ўйинда хулоса шуки катта тажриба ғалаба қозонди, омад кучлиларга кулиб боқади шиори яъна уз исботини топди, негаки омад келмаганида ўйинда П.Погбанинг унчали кучли зарбаси рекошет бўлиб Аякс дарвозабонининг устидан утиб кетмасди. П.Погба ва Мхитарян ажойиб ўйин кўрсатди,қандай ўйнаш керак булса шуни ортиғи билан бажарди. Моур ҳақиқий сеҳргарлик кўрсатиб, энг асосийси натижага эришди.Келаси мавсум ЕЧЛ қатнашиши МЮ катта фойда бу асосийси ёзги трансферларда асосий мақсадлари бўлган Г.Бейл ва А.Гризманн энди МЮга йўқ дея олмаса керак, негаки МЮ аста секинлик билан ўз даражасига қайтмоқда.

23.05.2017 14:32
MAN4ESTER

Эртага жиддатли баҳс бўлиши аниқ, кўрамиз МЮ ва Аякс ўйинида тажриба ғалаба қозонадими ёки ёшлик шижоати. Эртанги ўйинда Манчестер Юнайтедта устулик бўлади ном, тажриба,нуфуз, савия жиҳатдан ЕЛ ютишига,Ж.Моурино эртага жанговор таркибни тушириши аниқ негаки ўртада ЕЧЛ қатнашиш имконияти қўлдан чиқармайди, аслида Аяксдан кўра МЮнинг ғалаба қозонишини келаси мавсумда ЕЧЛ да интригани яънада кучайтиб, мусабоақанинг нуфузини яънада ошириб гегемон клублар тўқнашуви қўпроқ бўлади.


UFF.uz. "Football Media News" MChJ, 2016 yil
Сайт материалларидан тўлиқ ёки қисман фойдаланилганда веб-сайт манзили кўрсатилиши шарт!
Барча ҳуқуқлар амалдаги қонунчиликка биноан ҳимояланган.
Дизайн: www.uff.uz
Расмий хабарларда ва блогларда кетган маълумот - мақолаларга муаллифлар ва блоггерларнинг ўзлари масъулдирлар.
Яндекс.Директ тизими осон бўлиши учун фойдаланувчи компьютеридаги қизиқиш ва изланишларга оид "линк"ларни кўрсатади.
Реклама қилинаётган маҳсулотлар ва хизматлар турлари лицензия ва сертификатларга эга.